2022 წ - „ალტა სოფთვეარმა” კიდევ ერთი აღიარება მოიპოვა
კომპანიამ მეორედ მიიღო დარგის ლიდერის ეროვნული სერთიფიკატი (ნაციონალური ბიზნეს-რეიტინგების კავშირის ოქროს რეიტინგი საქართველოს საწარმოთა შორის).
ნაციონალური ბიზნეს-რეიტინგების კავშირი ყოველწლიურად ახორციელებს ეკონიმიკაში კონკრეტული დარგის წამყვანი კომპანიების გამოვლენას მსოფლიოში არსებული მიდგომებისა და მეთოდოლოგიის გამოყენებით.
ნაციონალური ბიზნეს რეიტინგების კავშირის შეფასებით, „ ალტა სოფთვეარმა ” მოიპოვა ოქროს რეიტინგი საქართველოს საწარმოთა შორის ფინანსური და ეკონომიკური მონაცემებით ექვს კატეგორიაში: "profit/loss", " the turnover", "average monthly salary of employees", "personnel expenses", " number of employees", "number of employed workers."
2021 წ - ახალი წარმატებული პროექტი "კრისტალთან"
„ალტა სოფთვეარისა“ და „კრისტალის“ თანამშრომლობით 2020 წლის ბოლოდან დაიწყო და წარმატებით განხორციელდა ჩვენი ძირითადი სისტემების დანერგვა.
ათი თვის მანძილზე მოვასწარით ბიზნეს პროცესების დეტალური ანალიზი, ჩამოყალიბება და საჭირო ცვლილებების განხორციელება. ამავე დროს კომპანიას ვაცნობდით ჩვენს სისტემებს, ვითვალისწინებდით მოწოდებულ შენიშვნებს.
ყველა სამუშაო მიმდინარეობდა დისტანციურ რეჟიმში ფიზიკური შეხვედრებისა და კომუნიკაციების გარეშე.
ჩვენი სისტემები, რომლებიც სრულად მოერგო "კრისტალის" მოთხოვნებს, ძალიან მოქნილია, რაც იძლევა ფინანსური ინსტიტუტის განვითარებისთვის საჭირო მძლავრ ტექნოლოგიურ საფუძველს.
.png)
2021 წ - ღია ბანკინგის პირველი ეტაპი საქართველოში
„ალტა სოფთვეარის“ ღია ბანკინგი მთლიანად დაწერილია ჩვენ მიერ .NET 5-ზე, მიჰყვება PSD2 ქართული სტანდარტის ყველა რეკომენდირებულ ოფციას. ასევე უზრუნველყოფილია მხოლოდ უსაფრთხო დაკავშირების საშუალებებით (როგორიცაა ორმხრივი TLS, მოთხოვნის ხელმოწერის შემოწმება, პასუხის ხელმოწერა), საკუთარი OAuth2 და ხელმოწერების სერვერებით (რაც მარტივად ინტეგრირდება უკვე არსებულ OAuth სერვერსა და HSM მოწყობილობებთან).
ღია ბანკინგის გამოყენების გაადვილებისათვის ჩვენ ასევე ვიზრუნეთ სრულყოფილ დეველოპერ პორტალზე,Sandbox-სა და SDK-ზე, ასევე გვაქვს ზედა დონის REST API, რომლითაც ნებისმიერი მონაწილე PSD2 პროცესებში სიღრმისეული გარკვევის გარეშე მინიმალური რესურსით შეძლებს, დაუკავშირდეს ღია ბანკინგის სერვისებს.
2020 წ - Technology Brand of the Year Georgia
„ალტა სოფთვეარმა“ მესამედ მოიპოვა „Global Banking and Finance“ ჯილდო და გახდა Technology Brand of the Year Georgia 2020.
შეგახსენებთ, რომ Global Banking and Finance Review არის ფინანსური ჟურნალი, რომელიც 2010 წელს დაარსდა დიდ ბრიტანეთში.
ჟურნალი ყურადღებას ამახვილებს გლობალურ ფინანსურ ტენდენციებსა და მოვლენებზე. მათი ჯილდოების პროგრამა, Global Banking & Finance Awards, 2011 წელს დაიწყო
.png)
2020 წ - ჩვენ ვეხმარებით ბენეფიციარებს
„ალტა სოფთვეარს“ გადაეცა მადლობის სიგელი კათარზისისაგან პანდემიის პერიოდში გამოჩენილი სოციალური პასუხისმგებლობისა და თანადგომისთვის.
მოხარული ვართ,რომ პანდემიის პერიოდში შევძელით, მცირე წვლილი შეგვეტანა მოხუცებზე ზრუნვაში.
კათარზისი უკვე 30 წელია ფუნქციონირებს საქართველოს 6 რეგიონში და დღეს-დღეისობით დაახლოებით 1500 ბენეფიციარს მასპინძლობს ყოველდღიურად.
.png)
2020 წ - ჩვენ ვმუშაობთ სახლიდან
მსოფლიო პანდემიასთან დაკავშირებით ჩვენ გადავწყვიტეთ, დავრჩეთ შინ და უმოკლეს პერიოდში შევძელით დისტანციურად საქმიანობის განხორციელებისათვის აუცილებელი პირობების შექმნა.
2020 წ. 23 მარტიდან ჩვენ სრულად ვმუშაობთ სახლიდან და ამით ვცდილობთ, ჩვენი წვლილი შევიტანოთ პანდემიის გავრცელების წინააღმდეგ ბრძოლაში.
ჩვენი გუნდი მაქსიმალურად მობილიზებულია და ჩვენს პარტნიორებთან კვლავაც შეუფერხებლად ვითანამშრომლებთ.
2020 წ - "ალტა სოფთვეარი"-
ნიღბების მბრძანებელი
“ალტა სოფთვეარის“ კორპორატიული საღამო ვენეციური კარნავალის გახსნას - 8 თებერვალს დავამთხვიეთ და ვეცადეთ, თბილისიდან გაუსვლელად შეგვექმნა დაუვიწყარო სადღესასწაულო განწყობა.
საღამოს დასასრულს ოქროს კონფეტის წვიმა და უგემრიელესი ტორტი გველოდა.
თითოეული წვეულება ჩვენთვის დაუვიწყარია - იმედი გვაქვს, ჩვენი გუნდის თითოეული წევრისთვის ეს ღონისძიება განტვირთვისა და სასიამოვნო მოგონების წყარო გახდა!
.png)
2020 წ - Banking Software Solution Provider of the Year
„ალტა სოფთვეარმა“ მონაწილეობა მიიღო Corporate Wire Innovation & Excellence Award 2020 ღონისძიებაში და მიიღო ჯილდო - Banking Software Solution Provider of the Year.
ჯილდოებს ყოველწლიურად გადასცემს ინგლისური რეიტინგული ჟურნალი Corporate LiveWire.
დამოუკიდებელი მსაჯები მკაცრი კრიტერიუმებით აფასებენ სხვადასხვა კომპანიას და არჩევენ საუკეთესოს - იმათ, ვინც ცდილობს, ინოვაციური მიდგომა და უახლესი მიღწევები წარმატებით დანარგონ საკუთარ საქმიანობაში.
.png)
2020 წ - Best Core Banking Solutions Provider Georgia
„ალტა სოფთვეარმა“ მეორედ გაიმარჯვა Global Banking and Finance ნომინაციაში Best Core Banking Solutions Provider Georgia 2019.
Global Banking and Finance Awards წარმოადგენს გაერთიანებული სამეფოს გამოცემის, Global Banking and Finance Review საერთაშორისო ჯილდოების პროგრამას, რომელიც 2011 წლიდან გადაეცემა მსოფლიოს წამყვან კომპანიებს დაზღვევის, ფინანსების, პროგრამული უზრუნველყოფის სფეროებში.
„ალტა სოფთვეარი“ ამაყობს, რომ კიდევ ერთხელ შეძლო მსოფლიო ინოვაციებში შეეტანა საკუთარი წვლილი.
2019 წ - ჩვენი
თანამშრომლების საახალწლო ქველმოქმედება
ჩვენმა თანამშრომლებმა გადაწყვიტეს, დაეხმარონ გაჭირვებულ ოჯახებს.
შეგროვებული თანხით შევიძინეთ პროდუქტები და ტკბილეული ორი ოჯახისთვის.
გარდა ამისა, ერთ-ერთი ოჯახის უკიდურესად მძიმე საცხოვრებელი პირობების გასაუმჯობესებლად შეძენილი იქნა მასალები და შეშა გასათბობად.
ჩვენ ვამაყობთ ჩვენი გუნდის შემართებითა და სიკეთით.
2019 წ - მსოფლიო ჩემპიონატი პროგრამირებაში
„ალტა სოფთვეარი“ მოხარულია, მოკრძალებული წვლილი შეიტანოს ახალგაზრდა პროგრამისტებისათვის სასარგებლო და საინტერესო ღონისძიებების ორგანიზებაში.
მსოფლიო ჩემპიონატი პროგრამირებაში უმაღლეს სასწავლებლებს შორის (ICPC - International Collegiate Programming Contest) საშუალებას აძლევს სტუდენტებს, შექმნან გუნდი და იმუშავონ რეალური საკითხების გადაწყვეტაზე.
„ალტა სოფთვეარი“ უსურვებს მონაწილეებს წარმატებას და იმედოვნებს, რომ აღნიშნული შეჯიბრი კიდევ ერთი ნაბიჯი იქნება მათ მომავალ საქმიანობაში.
2019 წ - თბილისი მარათონში „ალტა სოფთვეარი“ ჩაერთო
#tbilisimarathon #werunsoftware
„თბილისი მარათონის საქველმოქმედო გარბენმა წარმატებით ჩაიარა.
ჩვენი გუნდი კვლავაც აქტიურობით გამოირჩეოდა: ვირბინეთ როგორც 21 კმ ნახევარმარათონი, ასევე 10 კმ მეოთხედ მარათონი.
მარათონში მონაწილეობისგან შემოსული თანხა მთლიანად გადაირიცხება ძეგვის თავშესაფარში.
2019 წ - „ალტა სოფთვეარი“- ვეკუას თასის გენერალური სპონსორი
საერთაშორისო ოლიმპიადა პროგრამირებაში - ილია ვეკუას თასი 2007 წლიდან იმართება და საშუალებას აძლევს ქართველ ახალგაზრდებს, მოსინჯონ საკუთარი თავი სხვა ქვეყნის სტუდენტებსა და მოსწავლეებთან ერთად.
„ალტა სოფთვეარი“ ზრუნავს მომავალ პროგრამისტებზე - სწორედ ამიტომ კომპანიამ გადაწყვიტა, ილია ვეკუას თასის გენერალური სპონსორი გახდეს 2019 წლის ღონისძიებისათვის.
„ალტა სოფთვეარი“ ულოცავს შეჯიბრის ყველა მონაწილეს და იმედოვნებს, რომ საერთაშორისო ოლიმპიადა კიდევ უფრო მასშტაბური გახდება.
.png)
2019 წ - LOANWARE ლიბერთი ბანკში
2019 წელს დასრულდა Loanware სისტემის
დანერგვა„ლიბერთი ბანკში“. „ალტა სოფთვეარი“ მადლობას უხდის ბანკის გუნდს აქტიური თანამშრომლობისა და გამოწვევების ერთად დაძლევისათვის.
პროექტის ფარგლებში Loanware მოერგო ლიბერთი ბანკის სრულიად განსხვავებულ სპეციფიკას, ხოლო პროგრამულ უზრუნველყოფაზე მიგრაციის პროცესი განხორციელდა ბანკის მუშაობის შეუფერხებლად.
ამ ახალი წარმატებული თანამშრომლობის შედეგად საქართველოს კომერციული ბანკების უკვე 80 % „ალტა სოფთვეარის“ მომხმარებელი ხდება.
2019 წ -"ალტა სოფთვეარი" მსოფლიო მარათონზე
Wings for Life World Run საქველმოქმედო მარათონია, რომელიც ერთდროულად უამრავ ქვეყანაში იმართება.
საქველმოქმედო მარათონმა წარმატებით ჩაიარა.ჩვენმა გუნდმა, ტრადიციულად, მონაწილეობა მიიღო გარბენში და წინა წლებთან შედარებით საუკეთესო შედეგი აჩვენა.
როგორც იცით, შემოსული თანხის 100% პირდაპირ იგზავნება ზურგის ტვინის დაზიანებათა კვლევის დასაფინანსებლად.
ჩვენ დავრბივართ მათთვის, ვისაც არ შეუძლია!
2019 წ - საიჯარო ქონების მართვა IFRS 16-ით
„ალტა სოფთვეარმა“ 6 ბანკთან თანამშრომლობით შექმნა და წარმატებით დანერგა საიჯარო ქონების მართვის მოდული IFRS 16 მოთხოვნების გათვალისწინებით. მისი მეშვეობით მნიშვნელოვნად გამარტივდა საიჯარო აქტივების ფინანსური აღრიცხვა და განახლებული IFRS სტანდარტის დაკმაყოფილება.
მოდული წარმოადგენს B6 პლატფორმის ნაწილს და უზრუნველყოფს იჯარის ხელშეკრულებების დარეგისტრირებას, შესაბამისი გატარებების გაკეთებას, გადახდების გრაფიკის გენერაციასა და მართვას.
ფუნქციონალის დეტალური აღწერა ხელმისაწვდომია ჩვენი ვიკიპედიიან - http://wiki.altasoft.ge/
2018 წ - „ალტა სოფთვეარი" 20 წლისაა
2018 წელი ჩვენთვის ყოველმხრივ განსაკუთრებულია.„ალტა სოფთვეარს" 20 წელი შეუსრულდა და ამ ღირშესანიშნავ თარიღს კომპანია თანამშრომლებთან ერთად აღნიშნავს.
საინფორმაციო ტექნოლოგიების სფეროში, მით უმეტეს - საქართველოსთვის, ეს ძალზედ ხანგრძლივი პერიოდია, რომლის განმავლობაშიც სტაბილური ზრდისა და განვითარების, ასევე მომხმარებელთა ლოიალობის შენარჩუნება სერიოზული გამოწვევაა.
ჩვენ მოხარული ვართ, რომ კომპანიის ეს ისტორია წარმატებულია და მადლობას ვუხდით თითოეულ ადამიანს, ვინც წვლილი შეიტანა ჩვენს წინსვლაში.
2018 წ - ჯარვისის წარმატება
“ალტა სოფთვეარის” რეპორტინგის გადაწყვეტა - ჯარვისი - წარმატებით დაინერგა
“ბაზის ბანკში”.
დიდ მადლობას ვუხდით ბანკს მეგობრული სამუშაო გარემოს შექმნისა და აქტიური ჩართულობისათვის.
ჯარვისის მეშვეობით შესაძლებელია 33 ანგარიშგების ფორმის დაგენერირება.
რეპორტების რაოდენობა და სისტემის მოქნილობა ყოველდღიურად იზრდება, რათა შევძლოთ ბაზრის დინამიური და მუდმივად განვითარებადი მოთხოვნების დაკმაყოფილება.
ამიტომაც ჯარვისით სულ უფრო მეტი მომხმარებელი სარგებლობს - კომერციული ბანკების 40 %.
.png)
2018 წ - „ალტა სოფთვეარის“ გადაწყვეტა საქართველოს უმსხვილეს მისოებში
„ალტა სოფთვეარის“ მოქნილი და ადვილად მორგებადი სისტემები წარმატებით დაინერგა და გაეშვა მიკროსაფინანსო ბაზრის ლიდერებთან.
„ალტა სოფთვეარის“ B6, Loanware და სხვა მათთვის საინტერესო გადაწყვეტების მომხმარებლები უკვე არიან „კრედიტსერვის+“, „ქართული კრედიტი“, „ბერმელი“, „ევრო კრედიტი“.
ჩვენი მოქნილი API საინტეგრაციო შრის წყალობით ჩვენი პარტნიორები სრული თავისფულებით სარგებლობენ და წარმატებით ახორციელებენ მათ მიერ დაწერილი პროგრამების ინტეგრაციას ჩვენს სისტემებთან.
2017 წ - Best Core Banking Solutions Provider Georgia 2017
„ალტა სოფთვეარმა“ ამჯერად საერთაშორისო ჯილდო მიიღო - Global Banking and Finance მას მიანიჭა Best Core Banking Solutions Provider Georgia 2017 სტატუსი.
2011 წლის დაარსების დღიდან, ჯილდოები ასახავს გლობალურ ფინანსურ საზოგადოებაში მიმდინარე სიახლეებს, მიღწევებს, სტრატეგიას, პროგრესულ და ინსპირაციულ ცვლილებებს.
ჯილდოები შეიქმნა იმისთვის, რომ აღიარონ ყველა ზომის კომპანია, რომელიც გამორჩეულია ფინანსური სამყაროს ექსპერტიზისა და სრულყოფის სფეროებში.
2017 წ - ახალი მხარდაჭერის პორტალი
წარმატებით გაეშვა მხარდაჭერის ახალი პორტალი ჩვენი ერთგული მომხმარებლებისათვის - ამიერიდან ჩვენთან საკითხების დაფიქსირება კიდევ უფრო მარტივია.
განახლებები, ახალი მოდულები, გამჭირვალე სტატუსები და მაქსიმალურად სტანდარტული სამუშაო პროცესები - ეს ყველაფერ ჩვენს განახლებულ პორტალზე დაგხვდებათ.
მხარდაჭერის პორტალთან ერთად გაეშვა “ ალტა სოფთვეარის" ვიკი - აქ ჩვენს მომხმარებელს ნებისმიერ დროს შეუძლია, მოიძიოს მისთვის სასურველი ფუნქციონალის აღწერა მარტივად, ვიკიპედიის აპრობირებული ფორმატის გამოყენებით.
2017 წ - LCS ონლაინ სესხები ყირგიზეთში
“ალტა სოფთვეარმა” შეიმუშავა ინოვაციური ონლაინ სესხების მართვის სისტემა, LCS, რომელიც მორგებულია კლიენტის განაცხადის სწრაფ მომსახურებასა და კრედიტის წუთებში გაცემაზე.
პროგრამული უზრუნველყოფა ფარავს ონლაინ სესხების მთელ სასისოცხლო ციკლს და ადვილად ინტეგრირდება ბანკების საგადახდო სისტემებთან დაფარვების მყისიერად ასახვისათვის.
გადაწყვეტა არის Azure Ready და MoneyShop ყირგიზეთისთვის განთავსდა Microsoft Azure გამოთვლით ღრუბელზე.
.png)
2017 წ - MultiOne უკვე არასაბანკო დაწესებულებებში
MultiOne სულ უფრო პოპულარული გადაწყვეტა ხდება - წელს იგი დაინერგა, როგორც კლიენტის პორტალი, მისოებსა და გადახდების განმახორციელებელ სუბიექტებთან.
მოქნილი და ადვილად შეცვლადი front-end ნაწილის წყალობით MultiOne ვიზუალურად მნიშვნელოვნად განსხვავდება ჩვენი მომხმარებლების ბრენდისა და მარკეტინგული მიზნების გათვალისწინებით.
MultiOne სარგებლობისათვის არ არის აუცილებელი, ჩვენი ძირითადი მოდულები - B6, LOANWARE გქონდეთ. თანამედროვე არქიტექტურის წყალობით გადაწყვეტა მარტივად ერგება ნებისმიერ back-end სისტემას.
2016 წ - LOANWARE მუნიციპალური განვითარების ფონდში
Loanware მომხმარებელთა რაოდენობა იზრდება, ხოლო გამოყენების სფერო სულ უფრო მრავალფეროვანი ხდება.
ამჯერად Loanware წარმატებით გაეშვა საქართველოს მუნიციპალური განვითარების ფონდში - სისტემის მეშვეობით შესაძლებელი გახდა სახსრების განაწილების, გრაფიკებისა და გადახდების მართვა. მდიდარი ფუნქციონალის წყალობით პროგრამულ უზრუნველყოფას მორგება და ცვლილებები არ დასჭირვებია.
პროექტის ფარგლებში Loanware ცალკე მდგომ სისტემად გამოიყო და დამოუკიდებლად მუშაობს B6-სა და „ალტა სოფთვეარის“ სხვა მოდულებთან კავშირის გარეშე.
.png)
2016 წ - „სოკარის" პროექტის გაშვება
„ალტა სოფთვეარისა“ და „სოკარ გაზ ჯორჯიას“ ორწლიანი თანამშრომლობა დაგვირგვინდა ერთობლივად შექმნილი სისტემის - GDBS გაშვებით.
GDBS უზრუნველყოფს გაზის მიწოდების, გამრიცხველიანების, ანათვლების აღებისა და ბილინგის ავტომატიზაციას „სოკარ გაზ ჯორჯიას“ მოთხოვნებსა და პროცესებზე სრულყოფილი მორგებით.
პროგრამული უზრუნველყოფა ეფუძნება თანამედროვე არქიტექტურას, არის მრავალკომპონენტიანი და ინტეგრირებულია სხვადასხვა ფიზიკურ მოწყობილობასთან.
GDBS ასევე მოიცავს მობილურ აპლიკაციას.
შექმნილი სისტემა სრულად გადაეცა „სოკარ გაზ ჯორჯიას“ სამართავად.
2016 წ - „ალტა სოფთვეარმა” კიდევ ერთი აღიარება მოიპოვა
კომპანიამ მიიღო დარგის ლიდერის ეროვნული სერთიფიკატი (ნაციონალური ბიზნეს-რეიტინგების კავშირის ოქროს რეიტინგი საქართველოს საწარმოთა შორის).
ნაციონალური ბიზნეს-რეიტინგების კავშირი ყოველწლიურად ახორციელებს ეკონიმიკაში კონკრეტული დარგის წამყვანი კომპანიების გამოვლენას მსოფლიოში არსებული მიდგომებისა და მეთოდოლოგიის გამოყენებით.
ნაციონალური ბიზნეს რეიტინგების კავშირის შეფასებით, „ ალტა სოფთვეარმა ” მოიპოვა ოქროს რეიტინგი საქართველოს საწარმოთა შორის.
.png)
2015 წ - ოქროს ბრენდი
თბილისის მერიის, საქართველოს სავაჭრო-სამრეწველო პალატის და ამერიკის სავაჭრო პალატის მხარდაჭერით „Global Idea“-მ და გაზეთმა „The FINANCIAL“ ოქროს ბრენდი 2015-ის დაჯილდოების ცერემონიალი გამართეს.
ალტა სოფთვეარი დასახელდა “ოქროს ბრენდი 2015”-ის გამარჯვებულად ნომინაციაში „პროგრამული უზრუნველყოფა-ოქროს ბრენდი“.
სპეციალური პრიზი - ქანდაკება და სერტიფიკატი კომპანიის დირექტორს, ბატონ გრიგოლ ნიკოლაიშვილს, გადაეცა.
ოქროს ბრენდის ცერემონიალი საქართველოში 2006 წლიდან იღებს სათავეს და ერთ-ერთ ყველაზე პრესტიჟულ და გავლენიან ბიზნეს დაჯილდოებად არის აღიარებული.